Ansicht: Klassisch | Themen | Beiträge |

Seppis Wiehnachtstraum

amara schrieb am 24. Dezember 2003 um 12:12 Uhr (737x gelesen):

emol zur schöne Wiehnachtszyt
so traumt's im Seppi z'nacht
Er heig ellei weiss Gott wie wyt,
e Reis zum Himmel gmacht.

De Sepp dä chunnt vor der Pforte a
und stoht veruss still
Do trifft är just das Chrischtchind a,
Wo grad verreise will.

Mit finem Stimmli gloggehell
frog äs das Büebli do
Was äs jetz au do obe well
am früehe Morge scho.

Der Sepp het nid mol s'Chäppli glüpft
und lachet nor so chindsch
"Es het mi au der Gwunder gstüpft
was Du mir das johr bringsch."

"Ga^ng nor zor letschte Türe y
Det inne weiss mer's scho !"
seid s'Chrischtchind druf und goht verby
und loht der Seppi stoh----

Was meinsch as är det inne findt
dä bsonders Nasewys?
Er gseht e Maa wo Ruete bindt
us töörem Birkerys.

Und öpper rüeft :" Los Bürschtli chomm!
Ha öppis für di gmacht!"
Der Seppi aber chehrt si um
und isch- Gottlob- verwacht.


Schöni Wiehnacht und es guets neus Johr

amara

  Beitrag ist archiviert